د هسپانیا د سفیر او دنړیوال مشهور قاری حامد شاکرنژاد لیدنه
د ایکنا د راپور له مخې چې د قرآني ډیپلوماسۍ بنسټ د عامه اړیکو له دفتره ئې نقل کړی، د هسپانیا سفیر Antonio Sánchez Benedito Gaspar په دغې لیدنې کې د ایران تاریخي او تمدني مخینې ته په اشارې سره وویل: ایران یو داسې هېواد دی چې ډېر لرغونی تمدن او اوږد تاریخ لري، خو له یوه ناعادلانه او غیر قانونی او غیر انساني برید سره مخ شو. ایرانیانو د پېړیو په اوږدو کې داسې ښکلي هنري آثار رامنځته کړي چې د هغوی د لوی روح، بډایه فرهنګ او سولهغوښتونکي طبیعت څرګندونه کوي.»
هغه زیاته کړه: مونږ ثابته کړې چې په سختو شپو ورځو کې د خپلو دوستانو ترڅنګ درېږو او د سولې د ټینګښت لپاره د اغېزمنو اقداماتو ترسره کولو ته چمتو یو. ظلم او تاوتریخوالی تل غندل شوي او دا د ټولو الهي دینونو ګډه ښوونه ده.»
حامد شاکر نژاد هم په دغې کتنې کې د نړۍ روانو بدلونونو ته په اشارې وویل: ډېری د سیاسي او تاریخي علومو پوهان باور لري چې نړۍ د یوه تاریخي بدلون درشل ته رسېدلې ده، او مونږ هم باور لرو چې نوی نړئ به د متمدنو، اخلاقي او صالحو ملتونو وي.
دغه نړیوال قاري زیاته کړه:«بېشکه د اصیلو او تمدنجوړوونکو ملتونو ترمینځ فرهنګي ائتلافونه به د نړۍ د سیاسي، اقتصادي او ټولنیزو اړیکو راتلونکی وټاکي. د هسپانیا د ملت او دولت له خوا د مظلوم خو قدرتمند ایران ملاتړ د هغوی د اصالت، شرافت او انساني روحیې نښه ده.
شاکرنژاد د قرآن کریم د لارښوونو په اړه وویل: له جنګغوښتنې څخه ډډه کول او د انساندوستۍ احساس پیاوړی کول، په حقیقت کې د الهي رسۍ نیولل دي؛ هماغه سپارښتنه چې قرآن انسانان ورته رابولي.»
د دې لیدنې په پای کې د قرآني دیپلوماسۍ بنسټ اجرائیه مشر د دې بنسټ نړیوال ظرفیتونه او پروګرامونه د فرهنګي او قرآني تعاملاتو په برخې کې تشریح کړل او د ګډو همکاریو وړاندیزونه ئې وړاندې کړل، چې د هسپانیا د سفیر له مثبت هرکلي سره مخ شول.
https://iqna.ir/fa/news/4351865
